Það hefur eflaust farið framhjá fæstum að marmari er það allra heitasta þessa stundina. Verst er hversu dýr ekta marmari er og má því sjá allskyns útfærslur af DIY marmaralausnum, nóg er að fletta upp leitarorðinu “DIY marble” á Pinterest og þá koma upp hugmyndir hvernig hægt er að marmaravæða fatnaðinn þinn, neglurnar, stofuborðið, skissubókina og svo margt fleira.

EN… að marmaravæða tölvuna þína er bara alveg sérflokkur fyrir sig, það er bara nokkrum númerum of flott:)

Þessar leiðbeiningar hér að neðan fékk ég í láni frá Christinu Dueholm á Passion for fashion blogginu. 

Mér finnst þetta alveg hrikalega fallegt og passar vel við silfurlitaða tölvuna.

Marmaralímmiða má t.d. kaupa á Aliexpress hér.

Er þetta ekki alveg þess virði að reyna við?:)

Ég birti þessa mynd fyrr í dag á instagramminu mínu og finnst því við hæfi að skella henni líka hingað inn:)

Ég er heima að vinna á þessum fína mánudegi en ákvað að byrja daginn á því að hressa aðeins upp á nýja krítarvegginn í eldhúsinu, fannst alveg tilvalið að nota hann til að telja niður vikurnar í settann dag. Jú við eigum nefnilega von á litlu kríli í lok sumars:)

Það eru sumsé spennandi tímar framundan, við erum allavega að rifna úr spenning og ég á erfitt með að einbeita mér að vinnu flesta daga:) Sem ég þarf reyndar að breyta sem fyrst, því ég er búin að taka að mér alltof mörg verkefni næstu vikur. Mér hefði ekki dottið í hug hversu mikið er hægt að skoða sem tengist börnum, þá er ég helst að skoða reyndar barnaherbergi og aðrar skreytingar. -Fínasta afþreying:)

Eigið góðan dag,
Svana:)

Ég fékk bunka af þessum æðislegu servíettum með kvótum frá Andy Warhol sendar í gærkvöldi, nágranni mín hún Ágústa Hjartar hefur verið að dunda sér við þetta eftir að hún komst í gamla letterpress prentvél frá afa sínum. En fyrir þá sem ekki þekkja letterpress þá er það aldargömul prentaðferð og eflaust ekki margir með aðgang að slíkri græju til að leika sér með:)

Við eigum einmitt báðar plakat með “kvóti” frá Andy Warhol og þá þarf að sjálfsögðu að eiga servíettur í stíl!

Þetta eru fjórar týpur og pakkinn inniheldur 20 stk, s.s. (4×5 af hverri)

“In the future everybody will be world famous for fifteen minutes.”

“I like boring things.”

“I never read. I just look at pictures.”

“All is pretty.”

-Andy Warhol

Mynduð þið hafa áhuga á svona servíettupakka ef þetta væri til sölu? Endilega kommentið þá hér að neðan, mér finnst hún Ágústa klárlega þurfa að koma þessu í sölu:)

*UPDATE* áhugasömum vil ég benda á að hafa samband við Ágústu : agustahj@gmail.com

Pakkinn kostar 1500 krónur!:)

Ég ætlaði að vera búin að sýna ykkur þessar myndir frá versluninni Insula á Skólavörðustíg fyrir alltof löngu síðan. En betra er seint en aldrei, svo hér koma þær:) Ég er ótrúlega hrifin af svona litlum sérverslunum og líður alltaf smá eins og ég sé í útlöndum þegar ég skoða vörur sem ég hef hvergi annars staðar rekist á.

Insula er rekin af innanhússhönnuðinum og smekkdömunni Auði Gná, hún er bæði með sérvörur hannaðar af sér t.d. þessa gullfallegu gærupúða ásamt töffaralegum tattoo viskastykkjum og tattoo púðum. -En verslunin er einmitt staðsett fyrir neðan tattoo stofu og deila þau sama inngang.

 © Nanna Dís / nannadis.com

© Nanna Dís / nannadis.com

 © Nanna Dís / nannadis.com

 © Nanna Dís / nannadis.com

Loðnu gærupúðarnir eru eitt það fyrsta sem þú tekur eftir þegar komið er inn í verslunina og eru þeir ofarlega á mínum óskalista. Þeir eru 100% íslenskir og eru sérstaklega framleiddir fyrir verslunina undir nafninu Further North.

Myndirnar allar hér að ofan tók ljósmyndarinn: Nanna Dís / nannadis.com

 Úrvalið í Insula er mjög áhugavert og öðruvísi.. hnífar, ilmvötn, púðar, keramik, myndlist og annað fallegt fyrir augað. Ég þarf einmitt að kíkja á hana aftur sem fyrst, er spennt að sjá allar nýjungarnar frá því síðast:) Hægt er að fylgjast með Insula á facebook hér

Ég mæli með rölti í miðbæinn og kíkja við í leiðinni á hana Auði Gná á Skólavörðustíginn í Insula, það er vel þess virði, þó ekki nema bara til að klappa þessum fallegu gærupúðum!

Það er eitthvað við þetta plakat sem heillar mig ótrúlega mikið, hvort það sé vísunin í fiðrildi, bleiki liturinn eða e-ð annað… Svo er nafnið á því alveg frábært haha “What d’you mean a Vagina – I’m a fucking Butterfly”.

Eftir danska hönnunardúóið NO.17, en að baki þess stendur parið Camila Akduvar og Bo Bernichow.

Hægt að panta á vefsíðunni þeirra hér, kostar um 11 þúsund kr. isk. og ókeypis sendingarkostnaður.

Þess má geta að í tilefni þess að tímaritið Bolig Magasinet er 15 ára í ár gefur hönnunardúóið NO.17 30% afslátt af öllum sínum vörum til 2.apríl. Það þarf bara að slá inn kóðann XX16XOUTO6NL. Ég mæli reyndar bara með að næla sér í nýja Bolig, það er virkilega flott -og þar rakst ég á þetta tilboð:)

:)

Ég gerði stórmerkilega uppgötvun í gær! Í fyrsta skipti á minni ævi mátaði ég meðgönguföt og fannst það alveg hrikalega skemmtilegt, -mögulega í ljósi þess að sum fötin mín eru farin að þrengja heldur mikið að og ég næ ekki andanum í flestum buxum. Ég var mætt meðal þeirra fyrstu þegar meðgöngudeildin í Lindex kids í Kringlunni opnaði í gær, ætlaði bara rétt að kíkja og var viss um að ég þyrfti ekkert á svona að halda. Mér fannst þetta síðan svo merkilega þægileg föt að ég íhugaði þarna í mátunarklefanum að ganga í meðgöngubuxum alltaf, allan ársins hring. Það eru ekki til þægilegri buxur en þetta, ég sver það -og þessvegna verð ég að deila þessu með ykkur:)

Þær líta mögulega út fyrir að vera mjög venjulegar buxur en þær þrengja hvergi að og eru með risa teygju sem nær yfir magann og styður við bumbuna, það var s.s. uppgötvunin mín eftir að hafa manað mig upp í að máta! En þið margar hverjar vissuð þetta eflaust:)

Ég stoppaði nefnilega stutt í meðgöngudeildinni í H&M í Frankfurt um daginn og fannst allt svo lummulegt þar að ég vildi ekkert máta og sá fram á að “þurfa” að vera lummulega klædd næstu mánuði haha:)

Ég hefði auðveldlega getað valið mér fleiri flíkur og var greinilega bara í buxnahugleiðingum og fannst þessar mjög flottar. Mig hefði nefnilega ekki grunað að það ætti eftir að vera erfitt að anda í venjulegum leggingsbuxum, en jú það er raunin. Nýr fataskápur vertu velkominn:) Ég tók þessi föt reyndar ekki með mér heim í gær… einn herramaður var nefnilega búinn að missa út úr sér við mig að núna myndi hann styrkja mig í fatakaupum næstu mánuðina, og maður verður að sjálfsögðu að nýta sér slíkt til fulls:)

Fyrsta óléttufærslan mætt á svæðið:)

Eigið góðan dag!

Þið hafið eflaust mörg tekið eftir marmarafærslunni sem ég skrifaði fyrir nokkrum dögum síðan, en hana má lesa hér. Hún naut gífurlegra vinsælda og það var augljóst að það voru fleiri en ég hrifnir af þessu marmaralúkki fyrir tölvur. Einnig þótti mér mjög skemmtilegt að sjá komment við færsluna frá fyrirtækinu Merkistofan en það eru ungir strákar sem reka það og ráku þeir augun í færsluna mína og eru þeir byrjaðir að prenta núna marmarafilmur á tölvur og síma:) Ég kíkti á þá í gær og fékk mér marmarafilmu á tölvuna mína og finnst það koma svona ótrúlega vel út. Þetta sparaði mér bæði tíma og vinnu, því ég hafi hugsað mér að útbúa svona sjálf með filmu sem ég ætlaði að panta frá Kína af aliexpress haha.

Mig langar þó að gleðja nokkra lesendur og gefa nokkra marmaralímmiða á tölvur og síma:) Fleiri upplýsingar má sjá neðar í færslunni,

Tölvan mín hefur aldrei litið svona vel út:)

Ég ætla að gefa 8 lesendum marmarafilmu á tölvuna sína og 5 lesendum marmarafilmu á i-Phone-inn sinn.

Það sem þú þarft að gera er að:

1. Skilja eftir athugasemd með nafni við þessa færslu um hvaða stærð af tölvu þú ert með, (mín er t.d. 13′ mac) og/eða hvaða týpu af i-Phone þú átt.

2. Deila þessari færslu og endilega ef þú ert ekki búin/nn að líka við Svart á hvítu á facebook að gera það hér.

Það eru nefnilega ágætis líkur á því að vinna, 13 verðlaun í pottinum:)

Svo vil ég bara þakka Merkistofunni fyrir mig, og fyrir áhugasama þá kostar svona filma hjá þeim 3.500 krónur, og á símann 1.500 krónur. Frekari upplýsingar má sjá á facebook síðu Merkistofunnar hér. 

Ég dreg út vinningshafana á laugardaginn!

Erum við ekki annars að tala um nýjasta æðið?:)

Flottasta tímarit landsins var að koma út, NUDE Magazine. Jú jú þið hafið kannski heyrt mig dásama þetta blað áður en það er algjörlega sér á báti þegar kemur að tískuumfjöllun, -hægt er að lesa nýjasta tölublaðið hér. 

Langar líka að segja ykkur frá spennandi samstarfi sem ég er að hefja með NUDE, þó það sé kannski ekki alveg tímabært:) Ég og Jóhanna ritstýra höfum verið að plotta saman síðan síðasta haust! Hugmyndirnar hafa kannski breyst örlítið síðan þá en engu að síður mun blaðið stækka um heilan kafla í næsta mánuði þar sem gert verður pláss fyrir meira lífstílstengdara efni, s.s. HÖNNUN OG HEIMILI!:)

 Ég er mjög spennt fyrir þessu, en þið?

:)

Ég kíkti í dag á opnun hjá Hrím Eldhúsi á Laugarveginum, gamla búðin er þó enn á sínum stað, nýja verslunin er örlítið ofar á Laugarveginum. Ég ákvað að taka nokkrar myndir til að deila með ykkur, ég var nefnilega mjög heilluð af úrvalinu og reyndar líka af hönnun verslunarinnar. Þetta er skemmtilegt verslunarrými sem hefur aldeilis ekki fengið að njóta sín sem skyldi hingað til. Tinna Brá eigandi Hrím er reyndar menntuð í arkitektúr og var því eflaust ekki lengi að redda málum!

Verslunin er skemmtilega uppsett, og dálítill eldhúsfílingur í gangi, sem er reyndar eðlilegt í ljósi þess að áherslan í vöruúrvalinu eru eldhúsvörur:)

Ég er ótrúlega hrifin af þeirri hugmynd að setja upp eldhús í búðinni til að sýna vörurnar. Og eigum við eitthvað að ræða þennan draumaísskáp?

Hvítu pottana frá Dansk Falcon mun ég eignast einn daginn, gamaldags emeleraðir stálpottar sem er nýhafið framleiðslu á aftur. Það sem mér finnst skemmtilegast við þá er að hægt er að nota lokið sem hitaplatta og leggja pottinn beint á borð!

Nóg að kopar fyrir koparsjúklinga eins og mig:)

Flott hugmynd af pottaslá…

Krúttlegir diskar og staflanlegir bollar frá Jimbo art.

Það er hægt að finna þennan ísskáp í myrkri!

Eldhúskrókurinn:)

Það mátti alveg sjá marmara á víð og dreif í Hrím, -þó helst á veggjum!

Þessir herramenn buðu mér upp á ljúffengt súkkulaði frá Omnom.

Enn meiri kopar!

Ég hefði keypt mér þetta viðarský, en ég var of snemma á ferðinni og varan ekki komin inn í kerfið:) Það er þá bara afsökun til að kíkja við aftur.

Mottumars-rör:)

Meðal merkja sem munu fást í Hrím Eldhús eru: Seletti, Ferm Living, Brita Sweden, Opinel, Baumalau, Sabre, Helt honey, Almedahls, Orrefors, Kosta Boda, Sagaform, Thornback & Peel, Stelton, Designhouse Stockholm, Jimbobart, House of Rym, OYOY, SMEG, Are Chocolate og Dansk Falcon.

Ég mæli með að kíkja við, ég lofa að þið verðið ekki fyrir vonbrigðum:)

Ég er loksins búin að draga út í marmaraleiknum 13 heppna lesendur, takk þið fyrir frábæra þáttöku! Augljóslega mjög eftirsóttir límmiðar:)

 Marmarafilma á tölvu:

María Guðlaug Guðmundsdóttir

Rós Kristjánsdóttir 

Sandra Karen Kristjánsdóttir 

Dagný Björg Stefánsdóttir 

Anna Ragnarsdóttir 

Anna Rósa Harðardóttir

Birna Sigurbjartsdóttir

Ragnheiður Ragnarsdóttir 

 Marmarafilma á síma: 

Guðrún Vald

Klara Hjartar

Guðný Stefánsdóttir

Fanney Ingvarsdóttir

Ólöf Margrét Arnarsdóttir

Endilega sendið mér tölvupóst á svartahvitu(hjá)trendnet.is til að nálgast vinningana:)

Fyrir ykkur sem unnuð ekki þá vil ég benda ykkur á að tölvufilma kostar 3.500 kr. og símafilma kostar 1.500 kr. hjá Merkistofunni.

:)

Ég er búin að eignast nýtt uppáhald og það eru barnaafmæli! Það er fátt sem toppar barnaafmælin í vinkonuhópnum mínum og það er mikið lagt í hvert og eitt þeirra. Afmæli dagsins var hjá dætrum Áslaugar vinkonu, þeim Karítas og Hrafntinnu sem urðu eins og þriggja ára gamlar.

Áslaug var mjög sniðug og bjó margt til sjálf, t.d. afmælishattana og veifurnar sem skreyta stofuvegginn. Hún endurnýtti svo glerflöskur undan smoothie og hreinsaði alla límmiða af, þær komu sérstaklega vel út með þessum flottu rörum.

Á krakkaborðinu var boðið upp á gullfallega bleika “ombre” súkkulaðiköku, Oreokex dýft í súkkulaði og súkkulaðihjúpaða sykurpúða -á pinnum að sjálfsögðu, þarna má líka sjá poppkorn í bland við Smarties og rice krispies kökur með lakkrískurli.

Servíetturnar fékk Áslaug í Söstrene Grene, en rörin og muffinsboxin pantaði hún af Etsy.com, hægt að finna ýmislegt þar fyrir áhugasama undir “baking cups” og “paper straw”.

Svo ein í lokin af myndarlega pabbanum með stelpurnar sínar.

Vonandi fá mömmur eða pabbar í afmælishugleiðingum góðar hugmyndir frá þessu fína afmæli:)

Vonandi var helgin ykkar góð.

-Svana:)

Smekkhjónin og hönnunarteymið á bakvið HAF, þau Hafsteinn Júlíusson og Karitas Sveinsdóttir eru að selja fallega heimilið sitt sem staðsett er í Lönguhlíð, Reykjavík. Mörg okkar höfum áður séð myndir úr innliti til þeirra, en myndirnar verða seint þreyttar og því verð ég að deila þeim með ykkur hér. Ljósmyndarinn hann Gunnar Sverrisson tók þessar fallegu myndir.

Ég gæti svo sannarlega hugsað mér að flytja þangað inn, en þó yrði ég að blikka þau til að skilja nokkra hluti eftir.

Fyrir áhugasama þá má kaupa pleisið hér. 

:)

Hönnunarmars er hafinn!! jibbý jeij… uppáhaldstíminn minn á öllu árinu.

Þó að hann verði ekki settur formlega fyrr en á morgun þá eru fullt af flottum sýningum þegar hafnar og nokkrar opnanir þegar yfirstaðnar. Á eftir opnar Hönnunarmars í Epal Skeifunni sem ég er mjög spennt fyrir. Hvet ykkur líka til að kíkja við en opnunin stendur á milli kl.17-19. Það er mjög breiður hópur af hönnuðum að sýna í Epal í ár svo allir ættu að finna eitthvað við sitt hæfi.

Anna Þórunn vöruhönnuður hefur verið að koma mjög sterk inn undanfarið og sýnir í ár lampann KOL 305.

Ingibjörg Hanna verður einnig á staðnum með falleg rúmföt og nýja rólu fyrir heimilið! Ég hitti hana í Epal í vikunni og það fyrsta sem ég tók eftir á henni var þessi fallega orða. Þá kom í ljós að hún er einmitt að kynna hana á Hönnunarmars í ár, -reyndar í Epal Hörpu. En ég mæli líka með að kíkja þangað:)

Svo gaf hún mér eitt stykki orðu í tilefni Hönnunarmars, sem ég ber stolt:) Svolítið eins og ég hafi afrekað e-ð merkilegt þar sem ég á orðu haha:)

Ég mæli með að kíkja á sýninguna í Epal. fullt af flottum hönnuðum:)

Sjáumst!

Þessar gullfallegu teikningar eftir Ása Má / Asi of Iceland eru að gera útaf við mig þessa stundina. Ég leyfi mér jafnvel að efast um hvort ég hafi séð jafn fallegar teikningar áður? Ég þjáist af valkvíða yfir því hvaða mynd ég ætla að næla mér í, en sú sem verður fyrir valinu mun svo sannarlega lífga upp á myndavegginn minn, -það er ég viss um:) Svo er líka extra gaman að eignast íslenskt verk.

Asi of Iceland eru hugarfóstur fatahönnuðarins og teiknarans Ásgríms Má. Í teikningum blandar hann saman nákvæmum blýantsteikningum við naívisma og hraðateikningar. Ásgrímur Már útskrifaðist frá LHÍ af fatahönnunarbraut. Hann hefur komið víða við í starfi og má þar með nefna yfirhönnuður hjá E-Label, einn af forsprökkum KIOSK og sem aðstoðartískustjórnandi hjá danska tímaritinu Cover.

Það besta við þetta er að það er hægt að næla sér í þessa dásemd á Popup Verzlun um helgina!!  Asi of Iceland mun selja og sýna teikningar og eftirprent á PopUp Verzlun á Hönnunarmars Laugardaginn 29. mars, á Loft Hostel:)

Ég þangað…

“PopUp – Farands Verzlunin býður uppá glæsilega sölusýningu á Hönnunarmars Laugardaginn 29.

Þessi einstaka PopUp Verzlun opnar nú dyr sínar á Loft Hostel á 4 hæð að Bankastræti 7a og býður alla velkomna.”

Núna vitið þið hvert skal halda um helgina;)

Fyrir áhugasama þá eru fleiri verk eftir þennan snilling að finna á asiceland.com 

-Svana

Það var að opna ný netverslun í gærkvöldi sem heitir Snúran.is en þar er hægt að versla heilan helling af fallegum vörum fyrir heimilið! Ég er búin að bíða spennt eftir að verslunin opni eftir að ég rakst á þau á facebook um daginn. Verk eftir einn uppáhalds grafíska hönnuðinn minn fást nefnilega þarna, en það er hin danska Nynne Rosenvinge. Ég er aðeins búin að liggja yfir þessu núna í morgun og tók saman nokkrar flottar vörur til að sýna ykkur:)

Byrjum á henni Nynne!

Algjört bjútí, verðið kom mér reyndar skemmtilega á óvart, frá 2.990 – 3.990 kr.

Svo eru það fallegu Nagelstager kertastjakarnir! Hannaðir árið 1965 af þýska hönnuðinum Fritz Nagel. Hingað til hefur helst verið hægt að finna slíka stjaka á antíkbúðum og flóamörkuðum en núna er hafin endurframleiðsla á þessum fallegu kertastjökum! Jibbý.

Enn meira eftir hana Nynne vinkonu mína en þessar hér að neðan eru stílabækur:)

Og svo er það toppurinn, ég er að fíla þessa töluhanka í tætlur, annaðhvort þá fyrir forstofuna eða barnaherbergi.. eða svefnherbergi:)

Töff ljós frá HK Living

Og svo nokkrir fallegir púðar og teppi í sófann:)

Þetta er dálítið vorlegt og fallegt á litinn…

Mér finnst alveg frábærar fréttir þegar að úrvalið af heimilisvörum eykst hér á landi svo ég er gífurlega ánægð með þessa fínu viðbót:)

Ég mæli með að kíkja og skoða úrvalið á Snúran.is

:)

Það er dálítið skemmtileg hönnunarkeppni í gangi á vegum Fosshótels. Vöruhönnuðir, arkítektar og myndlistarkonur frá Listaháskóla Íslands keppa í hönnunarsamkeppni þar sem fjórum hótelherbergjum á Fosshótel Lind hefur verið breytt.

Hægt er að kjósa uppáhaldsherbergið sitt í facebook leik sem finna má hér, kíkið endilega á þetta:)

Herbergi 1:

Herbergi 2:

Herbergi 3:

 Herbergi 4:

 1, 2, 3, eða 4 …. hvað finnst þér vera flottast?:)

Ég er búin að vera á vappinu frá því að Hönnunarmars hófst á miðvikudag, er reyndar búin að fara á of margar opnanir sem hefur svo sannarlega tekið sinn toll. Afskaplega skemmtilegt allt saman en ég er alveg tilbúin í rólegri daga núna:) Þó hefur mér ekki enn tekist að sjá allar sýningar svo morgundagurinn verður tekinn með trompi til að ná öllu áður en Hönnunarmars klárast!

Mér tókst reyndar að draga þennan með mér í dag á bæjarrölt, í Þjóðmenningarhúsinu er sýning FÍT -félag íslenskra teiknara. (Grafískir hönnuðir) þar má t.d. sjá sýninguna Fegursta orðið sem er skemmtileg.

Í Hörpu má sjá ýmislegt… bæði frá íslenskum húsgagnaframleiðendum, hönnuðum og gullsmiðum.

ÖRK er fallegt hliðarborð eftir Kristbjörgu Maríu Guðmundsdóttur, það er til sýnis í Kraum.

Hátækniprjónað teppi eftir Vík Prjónsdóttir og Petru Lilju, til sýnis í Hannesarholti, en þar er frábær sýning sem ég þarf að skoða betur á morgun, -sá lítið á opnuninni fyrir fólki:)

Samspil- Félag gullsmiða sýnir í Hörpu, þessi fallega bjalla er eftir Orra Finn.

Andrea Röfn í Hörpu… LÍNUR, -er samstarfsverkefni Hildar Yeoman, Barkar Sigþórssonar og Ellenar Lofts.

Trylltir speglar eftir Auði Gná í Epal.

Lampar eftir Önnu Þórunni í Epal.

Reykjavík Trading co í Epal.

Selected by Bility er til sýnis í Aurum.

Hönnunarverkefnið Austurland: innblástursglóð er til sýnis í Spark design space.

Staka -María Kristín sýnir fallega leðurfylgihluti í 38 þrepum á Laugavegi.

Svo ein góð af fyrirlestrinum sem haldinn var á fimmtudaginn, -ég er ekki frá því að þessi mynd sé betri en fyrirlesturinn sjálfur með Calvin Klein. Sá gamli var ekki alveg meðetta.

Ég hef ekki séð allar sýningarnar svo ég á erfitt með að segja hver er best, en þó mæli ég með að kíkja á:

Selected by Bility í Aurum, 

Spark design space 

Hannesarholt, Grundastíg 10 / Vík Prjónsdóttir+Petra Lilja, Hanna Dís Whitehead og Rúna Thors.

Staka -38 þrep Laugarvegi.

Epal 

Harpa

Þjóðmenningarhúsið – FÍT

Hönnunarsafnið Garðabæ – Dögg Guðmundsdóttir -Heimar

Fosshótel Lind -Rauðarárstíg 18, nemendaverk frá LHÍ og Hönnunarherbergið.

Crymogega Barónsstíg, Postulína kynnir Jökla nýtt matarstell.

Vakka Remix- íslenskir hönnuðir breyta Iittala geymsluboxi, -Kvosin hótel Kirkjutorgi 4.

ShopShow-norræn samtímahönnun, Hafnarborg -Hafnarfjörður.

Og fyrir þá sem hafa enn meiri tíma þá mæli ég með að kíkja á dagskrá Hönnunarmars og sjá fleiri viðburði:)

Njótið!

Ég átti góðan dag í dag á síðasta degi Hönnunarmars sem ég byrjaði á sýningunni í Hannesarholti. Einn uppáhaldshönnuðurinn minn hún Hanna Dís Whitehead var að sýna þar nýja línu úr jarðleir sem innblásin er frá steinöld. Ég er ótrúlega hrifin af vörunum frá Hönnu Dís og finnst hún vera með mjög skemmtilega og hressandi nálgun á vöruhönnun.

Texti um verkið:

“Fortíð í nútíð” er vörulína innblásin frá steinöld. Allar vörurnar eiga uppruna sinn að rekja til frumstæðra hluta og aðstæðna sem nú þegar hafa skeð. Þær eru þó ekki höggnar úr steini eins og áður var heldur unnar í leir. Leikið er með yfirborð hlutanna til að setja þá í nýtt samhengi fjær því sem við höldum að við vitum um þá. Nú þegar þekkingin til að nota þessa ævagömlu hluti er týnd og nýjar aðstæður komnar upp má hér sjá og spyrja sig hvernig þeir geta nýst okkur í nútíðinni.

Ég get vel hugsað mér að eignast fleiri hluti eftir Hönnu Dís, þeir eru nefnilega svo skemmtilega öðruvísi, ég á þegar fallega bleika krús frá henni sem ég geymi ýmislegt fínerí í:)

Svo á efri hæðinni var að finna þetta truflaða hátækniprjónaða teppi eftir Vík Prjónsdóttur og Petru Lilju.

Já ljúfi Hönnunarmars, takk fyrir mig.

:)

Ein fallegasta sýningin sem ég sá á Hönnunarmars var sýning Postulínu sem sýndi nýja matarstellið Jökla í Crymogeu. Stellið var umkringt ljósmyndum eftir Vigfús Birgisson sem teknar voru á Sólheimajökli og tónuðu myndirnar því einstaklega vel saman við Jökla stellið, enda innblásið frá sama jökli!

Postulína er samstarfsverkefni Guðbjargar Káradóttur leirkerasmiðs og Ólafar Jakobínu Ernudóttur hönnuðar.

Litasamsetningin og hönnunin á stellinu er fullkomin, núna þarf ég bara að drífa mig í að gifta mig til að geta smellt þessu á listann:)

-Svana

Á miðbæjarrölti mínu síðustu daga í kringum Hönnunarmars komst ég ekki hjá því að rekast á nýopnaða My concept store verslun á Laugaveginum. Upphaflega fylgdist ég spennt með framkvæmdunum sem ég gerði aldrei ráð fyrir að gætu tekið enda fyrir Hönnunarmars, en jú það rétt tókst fyrir horn og opnaði búðin á laugardaginn var.

Það fyrsta sem ég rak augun í var að sjálfsögðu fronturinn á húsinu, þarna hafa ýmsar verslanir verið þar sem lítið var hugsað um heildarumgjörðina. En Heiða og Eiríkur eigendur verslunarinnar eru fagurkerar miklir og létu mála allan frontinn í fallegum dökkum lit ásamt því að setja upp fulningar sem gefa versluninni dálítinn Parísarbrag að mínu mati.

Mér leið dálítið eins og ég væri í útlöndum þarna inni, stemmingin er ólík því sem við erum vön í verslunum hér heima, þægileg stemmingstónlist og fullt af vörum sem stilltar eru upp eins og hver og ein þeirra sé einstök…sem að margar þeirra eru reyndar:)

Dökki liturinn teygir sig inn í verslunina þar sem veggir, loft og innréttingar eru einnig dökkmálaðar. Ljósmyndin eftir Sissu sem hangir á veggnum setur alveg punktinn.

Allskyns fallegar ljósmyndabækur.

Þessir loftbelgir bræða mig, einn svona í barnaherbergið takk:)

Prentaraskúffur (að öllum líkindum kallað eitthvað annað), en engu að síður ótrúlega fallegt húsgagn og þetta eintak eflaust nokkurra tuga ára!

Þessi hátalari er kominn á óskalistann, þvílík fegurð.

Ég mæli með að kíkja á Laugaveginn á þessa fegurð, þvílík lyftistöng fyrir bæjarlífið sem svona fallegar verslanir geta verið. Og mikið verð ég ánægð þegar verslunareigendur sýna ábyrgð og leggja sitt að mörkum til að bæta götuna með því að hugsa ekki aðeins um innanhússhönnunina heldur líka um útlitið utan frá.

Fleiri svona “Parísar” búðir í miðbæinn takk!

P.s. til að koma í veg fyrir misskilning þá verður gamla My concept store verslunin ennþá opin við Nýbýlaveg, ég kannaði það einmitt:)

-Svana