Eins og ég kom inná í gær þá er ég búin að eyða smá tíma hér heima að raða í hillur og skúffur. Ætli helsta ástæðan sé ekki sú að Bjartur hefur sofið ansi mikið undanfarna daga og hvað gera mömmur þá annað en að taka til? Nei grín, þær horfa líka á Netflix;)
Ég komst reyndar að því að ég er haldin ansi leiðinlegum kaupvana, ég heillast mjög auðveldlega af nýjum og fallegum hlutum og virðist þ.a.l. aldrei eignast sett af neinu eða eins glös sem gætu dugað fyrir saumaklúbbinn minn. Þegar ég er búin að kaupa mér 2 stk af glösum þá er ég oftast strax búin að finna aðra tegund sem mig langar líka að safna sem er ekki mjög svo praktískt. Því eru einfaldir hlutir komnir á óskalistann minn, það að klára að safna glösunum sem ég byrjaði á fyrir nokkrum árum svo ég geti mögulega lagt fallega á borð einn daginn.
Uppáhaldshluturinn í þessari hillu haha, mjög eðlilegt hillustáss:) En hér má sjá tennurnar mínar (efri gómur) áður en ég fór í tannréttingar sem krakki!
Svo fann ég fullt af fallegum fjöðrum ofan í kassa sem ég hafði keypt fyrir nokkru síðan í föndurbúð í Ameríku. Um að gera að nota þær til skrauts:)
Þetta er s.s. hillan sem ég tók allt úr og endurraðaði í svo ekkert varð eftir af bleika litnum, það sló ekki í gegn og sumum finnst þetta heldur kuldarlegt núna!
Þá er kannski takmarkinu náð? Ég er jú að reyna að gera fínt fyrir veturinn:)
