Örstutt færsla seint á föstudagskvöldi með myndum frá einum af mínum uppáhalds instagrammara, henni Tinu sem er með @49kvadrat. Eins og nafnið gefur til kynna þá er íbúðin 49 fermetrar og afar smekklega innréttuð. Það sem ég elska við þetta heimili er hversu hlaðið það er af dóti, hér er enginn minimalískur lífstíll í gangi heldur fá allir hlutirnir að njóta sín vel uppi á hillum og á borðum. Mögulega of mikið af hlutum að margra mati, en mér finnst þetta vera æðislegt! Takið líka eftir því hvað þetta er nánast alltaf sama sjónarhornið nema með nýjum uppstillingum af fallegum hlutum og myndum ♡
Litapallettan er frekar hlutlaus sem gerir það að verkum að útkoman er alls ekki draslaraleg, heldur bara nokkuð hugguleg! Er ég nokkuð ein um að heillast af svona stíl? Ég tengi auðvitað alveg núll við þennan minimalíska lífstíl sem svo margir heillast að um þessar mundir, hún Tina hefur a.m.k. ekki fengið skilaboðin:)
