Ég er dálítið mikið skotin í þessum Ranarp lömpum þó að nýr lampi sé algjörlega í síðasta sæti á forgangslistanum mínum þessa dagana. Ég get þó ómögulega ákveðið hvaða týpa yrði fyrir valinu, ég féll upphaflega fyrir gólflampanum þegar ég rakst á hann nýlega í heimsókn en mig vantar alls ekki nýtt ljós í stofuna mína svo hann er eiginlega off. Borðlampinn væri hinsvegar mjög flottur á vinnustofuna og vegglampinn mögulega sem lesljós í svefnherbergið.
Ég ætlaði reyndar ekki að trúa því fyrst að þetta væri frá Ikea þegar ég sá lampann fyrst. Gylltu detailarnir og svart-hvíta rafmagnssnúran gera ótrúlega mikið fyrir heildarlúkkið og gerir hann örlítið meira “júník” þrátt fyrir að vera fjöldaframleidd vara.
Algjört bjútí, og svo er verðið alveg nokkuð fínt verð ég að segja:)